اَلْفَرُوجُ [el-ferûc] (صَبُورٌ [ṡabûr] vezninde) Şol yaya denir ki iki köşesinde olan eğri yerleri yaya kısılı daracık olmayıp aralığı açık ve meydânlı ola.
اَلْفَرُّوجُ [el-ferrûc] (تَنُّورٌ [tennûr] vezninde) Küçük çocuk gömleğine denir. Ve ensesinden yırtmacı olan kaftana denir ki üste giyilir. Bu hâlen ferâce dediğimizdir ki Fârisîde ferecî derler. Evâ΄ilde yırtmacı ensesinde olur idi, sonra şimdiki hey΄et-i maʹhûdeye girmiştir. Kâle’ş-Şihâb اَلْفَرُّوجُ هُوْ الْفَرَجِيُّ بِالتُّرْكِيَّةِ وَقَدْ لَبِسَهُ النَّبِيُّ عَلَيْهِ السَّلاَمُ كَمَا فِي الْمَشَارِقِ Ve kâle fi’n-Nihâye: إِنَّهُ عَلَيْهِ الصَّلاَةُ وَالسَّلاَمُ “صَلَّى وَعَلَيْهِ فَرُّوجٌ مِنْ حَرِيرٍ” هُوَ الْقَبَاءُ الَّذِي فِيهِ شَقٌّ مِنْ خَلْفِهِ Ve
فَرُّوجٌ [ferrûc] Tavuk pilicine denir. Bu maʹnâda سُبُّوحٌ [subbûḩ] vezninde dahi lügattir; yumurtadan infirâcı bâʹis-i tesmiyedir.
اَلْفَرُّوجُ [el-ferrûc] (fâ’nın fethiyle ve râ’nın zammı ve teşdîdiyle) Tavuk yavruları. Ve önü açık kaftan, قَبَا [ḵabâ] maʹnâsına. Kezâ fî-baʹzi nusahi’ṡ-Ṡiḩâḩ.
Sitemizde detaylı hızlı ve kolay arama ekranı