اَلْقِرِّيعُ [el-ḵirrîʹ] (سِكِّيتٌ [sikkît] vezninde) Bu dahi kavminin seyyid ve zî-şânına denir.
اَلْقَرِيعُ [el-ḵarîʹ] (أَمِيرٌ [emîr] vezninde) Deve köşeğine denir, فَصِيلٌ [faṡîl] maʹnâsına; cemʹi قَرْعَى [ḵarʹâ] gelir, سَكْرَى [sekrâ] vezninde. Ve döl için ihtiyâr olunan erkek deveye denir ki buğur taʹbîr olunur; yukâlu: هَذَا قَرِيعُ الشَّوْلِ أَيْ فَحْلُهَا الْمُخْتَارُ Ve cenkte muhârib ve mudârib olan bahâdıra denir, مُقَارِعٌ [muḵâriʹ] maʹnâsına. Ve gâlib maʹnâsınadır ki bi-maʹnâ fâʹildir. Ve maglûb maʹnâsınadır ki bi-maʹnâ mefʹûldür. Ve
قَرِيعٌ [Ḵarîʹ] ʹUmeyre b. Hâcir’in kılıcı ismidir. Ve kavminin seyyid ve zî-şânına ıtlâk olunur; yukâlu: هُوَ قَرِيعُ قَوْمِهِ أَيْ سَيِّدُهُمْ Ve bir muhaddis ismidir ki ʹİkrime’den rivâyet eylemiştir; İmâm Žehebî vehminden nâşî ḵâf’ın zammıyla zabt eylemiştir.
اَلْقَرِيعُ [el-ḵarîʹ] (ḵâf’ın fethi ve râ’nın kesri ve meddiyle) Zikr olunan maraza mübtelâ olan deve yavrusu.
Sitemizde detaylı hızlı ve kolay arama ekranı