Kamus-ı Muhit - النغض maddesi

اَلنُّغْضُ [en-nuġḋ - en-naġḋ] (nûn’un zammıyla ve fethiyle) Şol kıtırdak taʹbîr olunan yumuşak nesneye denir ki kürek kemiğinin başında olur, ʹalâ-kavlin kürek kemiğinde beri öte kımıldanan yerine denir.

اَلنَّغْضُ [en-naġḋ] (nûn’un fethi ve ġayn-ı muʹcemenin sükûnuyla) ve

اَلنُّغُوضُ [en-nuġûḋ] (قُعُودٌ [ḵuʹûd] vezninde) ve

اَلنَّغَضَانُ [en-neġaḋân] (fetehâtla) ve

اَلنَّغَضُ [en-neġaḋ] (fethateynle) Beri öte kımıldayıp oynamak maʹnâsınadır; yukâlu: نَغَضَ الشَّيْءُ نَغْضًا وَنُغُوضًا وَنَغَضَانًا وَنَغَضًا مِنَ الْبَابِ الْأَوَّلِ وَالثَّانِي إِذَا تَحَرَّكَ وَاضْطَرَبَ Ve kımıldatıp depretmek maʹnâsınadır; yukâlu: نَغَضَ رَأْسَهُ إِذَا حَرَّكَهُ Ve bir nesne çok olmak maʹnâsınadır; yukâlu: نَغَضَ الشَّيْءُ إِذَا كَثُرَ Ve

نَغْضٌ [naġḋ] (بَعْضٌ [baʹḋ] vezninde) Devekuşunun ismidir ve maʹrifedir, أُسَامَةُ [usâmet] gibi; nûn’un kesriyle de câ΄izdir, ʹalâ-kavlin pek cevelân edenine denir. Ve

نَغَضٌ [neġaḋ] Şol adama denir ki yürürken dâ΄imâ başını ve gövdesini oynatır ola; yukâlu: رَجُلٌ نَغَضٌ إِذَا كَانَ يُحَرِّكُ رَأْسَهُ وَيَرْجُفُ فِي مِشْيَتِهِ Ve deve katarını suya götürüp içirdikten sonra her iki tüvânâ deveden birini çıkarıp yerine zaʹîf olanını idhâl eylemeğe denir; yukâlu: نَغَضَ إِبِلَهُ الْحَوْضَ أَيْ أَوْرَدَهَا فَإِذَا شَرِبَتْ أَخْرَجَ مِنْ بَيْنِ كُلِّ بَعِيرَيْنِ بَعِيرًا قَوِيًّا وَأَدْخَلَ مَكَانَهُ بَعِيرًا ضَعِيفًا

Vankulu Lugatı - النغض maddesi

اَلنَّغْضُ [en-naġḋ] (nûn’un fethi ve ġayn’ın sükûnuyla) ve

اَلنُّغُوضُ [en-nuġûḋ] (zammeteynle) Hareket etmek; yukâlu: نَغَضَ رَأْسَهُ يَنْغُضُ وَيَنْغِضُ نَغْضًا وَنُغُوضًا مِنَ الْبَابِ الْأَوَّلِ وَالثَّانِي إِذَا تَحَرَّكَ Ve

نُغُضٌ [nuġuḋ] Tahrîk etmeğe de derler; yukâlu: نَغَضَ فُلَانٌ رَأْسَهُ إِذَا حَرَّكَهُ يَتَعَدَّى وَلَا يَتَعَدَّى Ve bu Aḣfeş rivâyetidir. Ve her hareket ki salınmakla ola, ona نُغُضٌ [nuġuḋ] derler.