اَلنَّفَقَةُ [en-nefeḵat] (fetehâtla) Havâyice ve taʹayyüşe sarf olunacak akçe ve zâd u zevâde makûlesine denir; yukâlu: نَفِدَتْ نَفَقَتُهُ وَهِيَ مَا يَنْفَقُهُ مِنَ الدَّرَاهِمِ وَنَحْوِهَا
اَلنَّافِقَاءُ [en-nâfiḵâ΄] (medd ile) ve
اَلنُّفَقَةُ [en-nufeḵat] (هُمَزَةٌ [humezet] vezninde) ʹArab tavşanı ve tarla fâresi dedikleri cânverin yuvalarında bir yuvanın ismidir. İki yuva ittihâz eder, birini ketm ve birini izhâr eder, bir haysiyyetle ki onun sakfını yufkaca yerin yüzüne karîb eder, قَاصِعَاءُ [ḵâṡiʹâ΄] dedikleri yuvasından gelinse hemân نَافِقَاءُ [nâfiḵâ΄]nın sakfını delip taşra firâr eder, münâfakat bundan me΄hûzdur.
اَلنُّفَقَةُ [en-nufeḵat] (nûn’un zammı ve fâ’nın fethiyle هُمَزَة [humezet] vezni üzere) Kezâlik نَافِقَاءُ [nâfiḵâ΄] maʹnâsınadır.
Sitemizde detaylı hızlı ve kolay arama ekranı