اَلنُّمْسُ [en-nums] (nûn’un zammıyla) Bağırtlak kuşuna denir, rengi mükedder olduğu için.
اَلنَّمَسُ [en-nemes] (fethateynle) Sâfî yağ bozulup tebâh olmak maʹnâsınadır; yukâlu: نَمِسَ السَّمْنُ نَمَسًا مِنَ الْبَابِ الرَّابِعِ إِذَا فَسَدَ
اَلنِّمْسُ [en-nims] (nûn’un kesriyle) Bir küçük cânver adıdır ki Mıṡır diyârında olur, ejdehâları katl eder. Şârih der ki pastırma şeklinde bir yassıca cânverdir. Ekserî bâgçe bekçileri ejdehâdan havf eylediklerinde onu bâgçelerine celb ederler. Ve Tuḩfe mütercimi der ki Hind ve Merv ülkelerinde dahi olur, Mâverâünnehr Türkleri ona lancana taʹbîr ederler, esridiği hînde kedi gibi feryâd eder.
اَلنَّمْسُ [en-nems] (nûn’un fethi ve mîm’in sükûnuyla) Sırrı gizlemeğe derler; yukâlu: نَمَسْتُ السِّرَّ أَنْمِسُهُ نَمْسًا مِنَ الْبَابِ الثَّانِي إِذَا كَتَمْتَهُ Ve نَمَسْتُ الرَّجُلَ dahi derler hem-sır edinmek maʹnâsına.
اَلنَّمَسُ [en-nemes] (fethateynle) Yağ acıyıp fâsid olmak; yukâlu: نَمِسَ السَّمْنُ مِنَ الْبَابِ الرَّابِعِ إِذَا فَسَدَ
اَلنِّمْسُ [en-nims] (nûn’un kesri ve mîm’in sükûnuyla) Bir yassı cânverdir Mıṡr vilâyetinde ki ejderleri katl eder, kıtʹa-i kadîd misâlindedir.
Sitemizde detaylı hızlı ve kolay arama ekranı