اَلْهُرَاكِلُ [el-hurâkil] (عُلاَبِطٌ [ʹulâbiṯ] vezninde) Yumru gövdeli tenû-mend insân ve hayvâna denir; yukâlu: رَجُلٌ وَجَمَلٌ هُرَاكِلٌ أَيْ ضَخْمٌ جَسِيمٌ
اَلْهَرَاكِلُ [el-herâkil] (hâ’nın fethiyle) İri balıklara denir, kadırga balığı ve falinus gibi, ʹalâ-kavlin su kelblerine yâhûd deniz develerine denir. Ve deniz cânverlerinden sağrıları iri ve büyük olan cânverlere denir. Ve emvâc-ı bahrın cemʹiyyet-gâhına denir ki etrâftan mevcler gelip orada tekessür ve tecemmüʹ peydâ eder. Ve Cevherî, İbn Aḩmer nâm şâʹirin işbu: “رَآى مِنْ دُونِهَا الْغَوَاصُّ هَوْلًا|| هَرَاكِلَةً وَحِيتَانًا وَنُونَا” beytini maʹnâ-yı mezbûre istişhâd için îrâd eylemekle vehm eylemiştir, zîra onda olan هَرَاكِلَةٌ [herâkilet] iri balıklar yâhûd deniz kelbleri yâhûd deniz develeri demektir, niteki zikr olundu. Şârih der ki niçe e΄imme dahi Cevherî gibi tefsîr eylediler. Ve هَرَاكِلَةٌ [herâkilet]in müfredi هِرْكِلٌ [hirkil]dir, زِبْرِجٌ [zibric] vezninde.
Sitemizde detaylı hızlı ve kolay arama ekranı