Kamus-ı Muhit - صبيب maddesi

صُبَيْبٌ [Ṡubeyb] (زُبَيْرٌ [zubeyr] vezninde) Bir feres adıdır.

اَلصَّبِيبُ [eṡ-ṡabîb] (حَبِيبٌ [ḩabîb] vezninde) عُصْفُرٌ [ʹuṡfur] ismidir ki tahrîfle uspur taʹbîr ettikleri nebât-ı maʹrûftur. Ve kırağı taʹbîr olunan rutûbete denir ki kış günlerinde husûsan tîr-i mâhta yağar. Ve

صَبِيبٌ [ṡabîb] Kana ıtlâk olunur, دَمٌ [dem] gibi. Ve gövdeden çıkan tere ıtlâk olunur, عَرَقٌ [ʹaraḵ] maʹnâsına. Ve sedefe şebîh bir şecer adıdır. Ve سَنَاءٌ [senâ΄] ismidir ki maʹrûf nebât-ı müshildir, سَنَاءٌ [senâ΄]-i Mekkî meşhûrdur. Ve susam yaprağının suyuna denir ki sıkıntısıdır. Ve vesmeye şebîh bir nesnedir ki nisvân onunla da ihtidâb ederler. Ve عَنْدَمٌ [ʹandem] yaʹnî bakam yaprağının sıkıntısına denir ki maʹrûf kırmızı boyadır. Ve bir nevʹ kırmızı boya ismidir. Ve dökülmüş suya denir, مَاءٌ مَصْبُوبٌ [mâ΄ maṡbûb] maʹnâsına. Ve hâlis ve ceyyîd ve aʹlâ bala ıtlâk olunur. Ve kılıcın ucuna ve yalmanına denir; yukâlu: ضَرَبَهُ بِصَبِيبِ السَّيْفِ أَيْ بِطَرَفِهِ Ve

صَبِيبٌ [Ṡabîb] Bir mevziʹ adıdır; ʹalâ-kavlin bunda زُبَيْرٌ [zubeyr] veznindedir.

Vankulu Lugatı - صبيب maddesi

اَلصَّبِيبُ [eṡ-ṡabîb] (ṡâd’ın fethi ve bâ’nın kesriyle) Susam yaprağının suyudur. Baʹzılar eyitti: Susam yaprağının ve gayrı nebâtâtın suyuna dahi صَبِيبٌ [ṡabîb] derler. Ve baʹzılar eyitti: Hınnâ yaprağının sıkıntısıdır. Ve

صَبِيبٌ [ṡabîb] Kana ve hâlis ʹusfura dahi derler.