Kamus-ı Muhit - نضار maddesi

نِضَارٌ [Niḋâr] (كِتَابٌ [kitâb] vezninde) Esâmîdendir: ʹUbeyd b. Niḋâr muhaddistir.

اَلنَّضْرُ [en-naḋr] (nûn’un fethi ve ḋâd’ın sükûnuyla) ve

اَلنَّضِيرُ [en-neḋîr] (أَمِيرٌ [emîr] vezninde) ve

اَلنُّضَارُ [en-nuḋâr] (غُرَابٌ [ġurâb] vezninde) ve

اَلْأَنْضَرُ [el-enḋar] (أَحْمَرُ [aḩmer] vezninde) Altına denir, ذَهَبٌ [žeheb] gibi. ʹAlâ-kavlin gümüşe denir, فِضَّةٌ [fiḋḋat] gibi. نَضْرٌ [naḋr]ın cemʹi نِضَارٌ [niḋâr] gelir nûn’un kesriyle ve أَنْضُرٌ [enḋur] gelir, أَفْلُسٌ [eflus] gibi. Ve

نَضْرٌ [Naḋr] Esâmîdendir: Naḋr b. Kinâne, أَبُو قُرَيْشٍ [ebû ḵureyş]tir. Ve ʹAbbâs b. el-Faḋl b. Zekeriyyâ b. Yaḩyâ b. en-Naḋr en-Naḋravî muhaddistir. Ve Ḩuseyn b. Ḩasen b. en-Naḋr b. Ḩakîm en-Naḋrî ve oğlu Ḵâḋî ʹAbdullâh ve şeyhü’l-islâm Yûnus b. Ṯâhir en-Naḋrî muhaddislerdir. Ve

نُضَارٌ [nuḋâr] (غُرَابٌ [ġurâb] vezninde) Tibr cinsinden cevher-i hâlise denir. Ve haşebe ve tahtaya ve keresteye denir. Ve yemiş veren ılgın ağacına denir, أَثْلٌ [ešamp;l] gibi, ʹalâ-kavlin yağmur suyuyla neşv ü nemâ bulanına yâhûd uzun ve dalları doğru ve hemvâr olanına yâhûd cebelî nevʹine denir. Ve

نُضَارٌ [nuḋâr] Bir nevʹ haşeb ismidir, ondan baʹzı kavata makûlesi evânî düzerler ve minber-i Nebevî ʹaleyhi’s-selâm ondan maʹmûl idi. Şârih der ki bu dahi ılgın nevʹindendir.

Vankulu Lugatı - نضار maddesi

اَلنُّضَارُ [en-nuḋâr] (nûn’un zammı ve ḋâd’ın tahfîfiyle) Kezâlik altın maʹnâsınadır. Ve

نُضَارٌ [nuḋâr] Şol kadehe derler ki ılgın ağacından olup derin ve kırmızı renkli olur, قَدَحٌ نُضَارٌ derler ve قَدَحُ نُضَارٍ [ḵadeḩu nuḋâr] derler. Ve Muhežžeb’de نُضَارٌ [nuḋâr] şimşâd ağacıdır demiş yaʹnî ardıç ağacı. Bu takdîrce maʹnâ-yı izâfet zâhir olur. Ve

اَلنَّضِيرُ [en-neḋîr] (nûn’un fethi ve ḋâd’ın kesriyle ve meddiyle) Bi-maʹnâhu eyzan. Ve baʹzılar eyitti: نُضَارٌ [nuḋâr] her nesnenin hâlisine derler. Ve

بَنُو النَّضِيرِ [Benu’n-Neḋîr] Ḣayber yahûdîlerinden bir kabîledir ki ʹArab tâ΄ifesine dâhil olmuşlardır, hâlâ ki onlar nisbetlerinde Mûsâ’nın kardeşi Hârûn’a ʹaleyhime’s-selâm nisbet üzeredirler.