اَلإِتْرَابُ [el-itrâb] (hemzenin kesriyle) Bir kimsenin mâlı kıllet bulup fakîr olmak maʹnâsınadır; fart-ı fakr u meskenetten nâşî türâba mülâsık olmak mülâhazasıyladır; yukâlu: أَتْرَبَ الرَّجُلُ اِذَا قَلَّ مَالُهُ Ve bir kimsenin mâlı kesret bulup ganî olmak maʹnâsınadır ki toprak kadar mâlı çoğalmak mülâbesesiyledir; pes azdâddan olur; yukâlu: أَتْرَبَ الرَّجُلُ اِذَا كَثُرَ مَالُهُ Ve üç defa alınıp satılmış kula mâlik olmak maʹnâsınadır; yukâlu: أَتْرَبَ الرَّجُلُ اِذَا مَلِكَ عَبْدًا وَقَدْ مُلِكَ بِصِيغَةِ الْمَجْهُولِ ثَلاَثَ مَرَّاتٍ
اَلْإِتْرَابُ [el-itrâb] (hemzenin kesriyle) Bir nesnenin üzerine toprak dökmek; yukâlu: أَتْرَبْتُ الشَّيْءَ أَيْ جَعَلْتَ عَلَيْهِ التُّرَابَ Ve fi’l-hadîsi: “أَتْرِبُوا الْكِتَابَ فَإِنَّهُ أَنْجَحُ لِلْحَاجَةِ” Ve istignâ maʹnâsına da gelir; yukâlu: أَتْرَبَ الرَّجُلُ إِذَا اسْتَغْنَى كَأَنَّهُ صَارَ لَهُ مِنَ الْمَالِ بِقَدْرِ التُّرَابِ
Sitemizde detaylı hızlı ve kolay arama ekranı