اَلْإِتِّكَاءُ [el-ittikâ΄] (hemzenin ve tâ-yı müşeddedenin kesriyle) Bu dahi söykenip dayanmak maʹnâsınadır; yukâlu: إِتَّكَأَ عَلَيْهِ بِمَعْنَى وَكَأَ
اَلْإِتْكَاءُ [el-itkâ΄] (إِخْرَاجٌ iḣrâc] vezninde ki vâv, tâ’ya münkalib olmuştur) Bir kimseyi bir nesneye söykenir şeklinde düşürmek, ʹalâ-kavlin sol tarafına düşürmek maʹnâsınadır; yukâlu: ضَرَبَهُ فَأَتْكَأَهُ أَيْ أَلْقَاهُ عَلَى هَيْئَةِ الْمُتَّكِئِ أَوْ عَلَى جَانِبِهِ اْلأَيْسَرِ Burada şıkk-ı sânî insânın sol tarafı sağına nisbetle gevşek ve fersizce olduğuna nazar iledir ki ekserî o tarafa sukût eder. Ve bir kimseye dayanacak nesne kılmak maʹnâsınadır, koltuğu altına yastık komak gibi; yukâlu: أَتْكَأَهُ أَيْ جَعَلَ لَهُ مُتَّكَأً
اَلْإِتِّكَاءُ [el-ittikâ΄] (kesreteynle ve tâ’nın teşdîdiyle) Dayanmak; yukâlu: إِتَّكَأَ عَلَى الشَّيْءِ فَهُوَ مُتَّكِئٌ
اَلْإِتْكَاءُ [el-itkâ΄] (ʹalâ-vezni اَلْإِفْعَال [el-ifʹâl] Bir kimseyi söykenir gibi düşürmek; yukâlu: طَعَنَهُ حَتَّى أَتْكَأَهُ أَيْ أَلْقَاهُ عَلَى هَيْئَةِ الْمُتَّكِيءِ
Sitemizde detaylı hızlı ve kolay arama ekranı