اَلْحَرْشَفَةُ [el-ḩarşefet] (hâ’yla) ve
اَلْحُرْشُفُ [el-ḩurşuf] (قُنْفُذٌ [ḵunfuž] vezninde) Toprağı kalın yere denir.
اَلْحَرْشَفُ [el-ḩarşef] (şîn-i muʹceme ile جَعْفَرٌ [caʹfer] vezninde) Balığın pullarına denir; فُلُوسُ السَّمَكِ [fulûsu’s-semek] maʹnâsına. Ve hurde kuşlara, husûsan hurde devekuşlarına denir. Ve her şey΄in hurdesine denir. Ve zırh halkasının sıralarına denir; yukâlu: سَوَّى حَرْشَفَ الدِّرْعِ أَيْ حُبُكَهُ Ve zaʹîf ve nâ-tüvânlara ve pîr ve ihtiyârlara ve piyâdelere denir; müfredleri حَرْشَفَةٌ [ḩarşefet]tir. Ve silâh üzerine tezyîn ettikleri gümüş ve altın pullara ve kaburgalara ıtlâk olunur; yukâlu: زَيَّنَ سِلاَحَهُ بِالْحَرْشَفِ وَهُوَ مَا يُزَيَّنُ بِهِ السِّلاَحُ Ve Fârisîde kenger dedikleri dikenli nebât ismidir ki hâlen beyne’l-etıbbâ΄ kengerin bostânî nevʹine ıtlâk olunur, Türkîde enginar derler.
اَلْحَرْشَفُ [el-ḩarşef] (ḩâ’nın ve şîn’in fethiyle) Balık pulu,فُلُوسُ سَمَكٍ maʹnâsına. Ve
حَرْشَفُ السِّلَاحِ [ḩarşefu’s-silâḩ] Silâhın üzerine tezyîn için etikleri gümüş pullar. Ve
حَرْشَفٌ [ḩarşef] Bir otun adıdır ki ona lisân-ı Fârisîde kenger ve Türkîde eşek dikeni derler.
Sitemizde detaylı hızlı ve kolay arama ekranı