اَلْحَمْصُ [el-ḩamṡ] (ḩâ’nın fethi ve mîm’in sükûnuyla) ve
اَلْحُمُوصُ [el-ḩumûṡ] (قُعُودٌ [ḵuʹûd] vezninde) Yaranın şişi inip sâkin olmak maʹnâsınadır; yukâlu: حَمَصَ الْجُرْحُ حَمْصًا وَحُمُوصًا مِنَ الْبَابِ اْلأَوَّلِ إِذَا سَكَنَ وَرَمُهُ Ve salıncağın şiddetle salınması gidip yavaşımak maʹnâsınadır; yukâlu: حَمَصَتِ الْأُرْجُوحَةُ إِذَا سَكَنَتْ فَوْرَتُهَا Ve göze düşen hâr u hâşâkı sühûletle çıkarmak maʹnâsınadır; yukâlu: حَمَصَ الْقَذَاةَ إِذَا أَخْرَجَهَا مِنْ عَيْنِهِ بِرِفْقٍ Ve çocuk salıncakta kendi kendisine salınmak maʹnâsınadır. Ve dâbbeden su gitmek yaʹnî gereği gibi ter boşanıp akmağa denir. Şârihin beyânına göre koşuya gitmezden mukaddemce meselâ bir atın üzerine çullar örtüp gereği gibi terlemesinden ʹibârettir, tâ ki yaranıp soluklu seğirtir ola.
اَلْحِمَّصُ [el-ḩimmaṡ] (ḩâ’nın kesri ve mîm’in fethi ve teşdîdiyle) Nohud ki hubûbât kısmındandır. Ve Muberred eyitti: حِمِّصٌ [ḩimmiṡ] mîm’in kesriyledir hâlâ ki bu sîga üzere esmâda bir kelime gelmemiştir illâ حِلِّزٌ [ḩilliz] kasîr maʹnâsına ve جِلِّقٌ [Cilliḵ] nâhiye-i Şâm’da bir mevziʹ maʹnâsına.
Sitemizde detaylı hızlı ve kolay arama ekranı