اَلدَّبُّ [ed-debb] (dâl’ın fethi ve bâ’nın teşdîdiyle) ve
اَلدَّبِيبُ [ed-debîb] (dâl’ın fethiyle) Karâr ve iʹtidâl üzere yap yap âhestece mülâyemetle yürümek maʹnâsınadır ki bundan Türkîde emeklemek ile taʹbîr olunur; yukâlu: دَبَّ الرَّجُلُ دَبًّا وَدَبِيبًا مِنَ الْبَابِ الثَّانِي اِذَا مَشَى عَلَى هِينَتِهِ
اَلدُّبُّ [ed-dubb] (dâl’ın zammıyla) Bu dahi hâl ve reviş ve tarîka maʹnâsınadır. Ve ayı taʹbîr olunan cânvere denir. Mü΄ennesi دُبَّةٌ [dubbet]tir hâ’yla. Cemʹi أَدْبَابٌ [edbâb] gelir ve دِبَبَةٌ [dibebet] gelir عِنَبَةٌ [ʹinebet] vezninde. Ve bu, دَبِيبٌ [debîb] maʹnâsındandır, zîrâ ayı kısmı yapça yapça yürüyüp ve insân gibi ağaçlara tırmanıp çıkar. Ve
دُبٌّ [Dubb] bir recül ismidir. Ve
دُبٌّ [Dubb] Ḵuṯb-ı Şimâlî cenbinde Benât-ı Naʹş-ı Kübrâ yaʹnî Türkîde Yediger ve Yediyarlar taʹbîr olunan yedi kevkebi müştemil ayı sûretine ıtlâk olunur ki Dübb-i Ekber dedikleridir ve Benât-ı Naʹş-ı Ṡuġrâ sûretine de ıtlâkı menkûldür. Nihâyet fasl u temyîz için büyüğüne Dübb-i Ekber ve küçüğüne Dübb-i Asgar taʹbîr olunur. Benât-ı Naʹş-ı Ṡuġrâ dahi yedi kevkebden mürekkebdir. Ferḵadân onun kevkeblerindendir ve Cedy onların nihâyetinde vâkiʹ olan kevkebdir. Ve Mubârek b. Naṡrullâh ed-Dubbî ki Dubb’e mensûbdur, fukahâ-i Ḩanefiyyedendır.
اَلدُّبُّ [ed-dubb] (dâl’ın zammıyla) Ayı dedikleri cânver ki sibâʹdandır.
Sitemizde detaylı hızlı ve kolay arama ekranı