اَلسِّبَاقُ [es-sibâḵ] (كِتَابٌ [kitâb] vezninde) Doğan kısmının ayaklarına geçirdikleri bağa denir ki künde taʹbîr olunur. Ve tahrîfle شِبَاقٌ [şibâḵ] dahi taʹbîr ederler. Ve iki ayağının bağına سِبَاقَانِ [sibâḵân] denir; yukâlu: سِبَاقَا الْبَازِي وَهُمَا قَيْدَاهُ مِنْ سَيْرٍ أَوْ غَيْرِهِ
اَلسَّبَّاقُ [es-sebbâḵ] (شَدَّادٌ [şeddâd] vezninde) Mübâlagadır; dâ΄imâ sâ΄irleri sebk ve takaddüm eden yüğrük ata denir. ʹArablar koşu meydânının nihâyetine bir kargı sırık dikip ʹakd eyledikleri ödülü ona taʹlîk ederler, mukaddem varan ata سَبَّاقُ الْغَايَةِ [sebbâḵu’l-ġâyet] ve dâ΄imâ böylece takaddüm edene سَبَّاقُ الْغَايَاتِ [sebbâḵu’l-ġâyât] derler. O atın sâhibi o ödülü ahz ve ihrâz eder; yukâlu: هُوَ سَبَّاقُ الْغَايَاتِ أَيْ حَائِزُ قَصَبَاتِ السَّبْقِ Bu münâsebetle fezâ΄il ve me΄âsir ve menâkıb cihetiyle cümleden fâ΄ik ve râcih adama da سَبَّاقُ الْغَايَاتِ ve حَائِزُ قَصَبَاتِ السَّبَقِ ıtlâk ederler; yukâlu: هُوَ سَبَّاقُ غَايَاتٍ أَيْ حَائِزُ قَصَبَاتِ السَّبْقِ Ve ʹUbeyd b. es-Sebbâḵ ve veledi Saʹîd muhaddislerdir.
Sitemizde detaylı hızlı ve kolay arama ekranı