اَلصَّرْمَةُ [eṡ-ṡarmet] (تَمْرَةٌ [temret] vezninde) صَرْمٌ [ṡarm] lafzından ismdir, kesmeğe denir. Bu mülâbese ile öfkesi mütemâdî sürüp gider olmakla gazabdan rücûʹu batâ΄et üzere olan adama mübâlagaten ıtlâk olunur; gûyâ ki magzûbunu temâdî-i gazabı sebebiyle katʹ ve izâle eder, zîrâ öfkesi çabuk mündefiʹ olan kimsenin magzûba o kadar zararı olmaz; yukâlu: هُوَ صَرْمَةٌ مِنَ الصَّرْمَاتِ أَيْ بَطِيءُ الرُّجُوعِ مِنْ غَضَبِهِ
اَلصِّرْمَةُ [eṡ-ṡirmet] (ṡâd’ın kesriyle) Yirmiden otuza kadar yâhûd elliye ve kırka kadar yâhûd ondan kırka kadar yâhûd ondan yirmi mâ-beyninde olan deve bölüğüne denir. Ve bulut pâresine denir. Ve
صِرْمَةُ [Ṡirmet] Esâmîdendir: Ṡirme b. Ḵays ve Ṡirme b. Enes yâhûd İbn Ebî Enes ve Ṡirme yâhûd Ebû Ṡirme el-ʹUžrî ashâbdandır. Ve Ṡirme, Ḋareme nâm kimsenin pederidir ki ḋâd mâddesinde mersûmdur.
اَلصِّرْمَةُ [eṡ-ṡirmet] (ṡâd’ın kesri ve râ’nın sükûnuyla) Bir kıtʹa deve sürüsü ki otuz ʹaded mikdârı ola. Ve bir pârebulut.
Sitemizde detaylı hızlı ve kolay arama ekranı