اَلْبُلْبُلَةُ [el-bulbulet] (هُدْهُدَةٌ [hudhudet] vezninde) Emzikli bardağa denir. Ve kadınlar bineceği hevdece denir.
اَلْبَلْبَلَةُ [el-belbelet] (زَلْزَلَةٌ [zelzelet] vezninde) Cenkte mızrakları birbirine giriştirip karış muruş eylemek maʹnâsınadır; yukâlu: بَلْبَلُوا الْأَسِنَّةَ إِذَا اخْتَلَطُوهَا Ve ârâ΄ ve efkârı perîşân ve perâkende kılmak maʹnâsınadır; kezâlik metâʹı perîşân eylemek maʹnâsınadır; yukâlu: بَلْبَلُوا آرَاءَهُمْ إِذَا فَرَّقُوهَا وَيُقَالُ بَلْبَلَ الْمَتَاعَ إِذَا فَرَّقَهَا Ve
بَلْبَلَةٌ [belbelet] Bir nevʹ siyâh boncuğa denir ki sadefler içlerinde olur. Ve
بَلْبَلَةٌ [belbelet] Kalbe be-gâyet hırâş ve ıztırâb veren tasaya ve vesveseye ve halecâna denir, ke-mâ se-yuzkeru. Ve masdar olur, bir adamın derûnuna tasa ve vesvese ve hadşe vermekle muztarib ve bî-karâr eylemek maʹnâsına.
اَلْبَلْبَلَةُ [el-belbelet] (ʹalâ-vezni اَلزَّلْزَلَة [ez-zelzelet]) ve
اَلْبَلْبَالُ [el-belbâl] (bâ’nın fethi ve lâm’ın sükûnuyla) Bunların ikisi de gussa ve vesvese-i sadr maʹnâsınadır.
Sitemizde detaylı hızlı ve kolay arama ekranı