اَلظِّلَامُ [eż-żilâm] (żây’ın kesriyle) ve
اَلْمُظَالَمَةُ [el-mużâlemet] (مُكَالَمَةٌ [mukâlemet] vezninde ki مُفَاعَلَةٌ [mufâʹalet]ten masdarlardır) Bir adama zulm eylemek maʹnâsınadır; ve minhu yukâlu: أَرَادَ ظِلَامَهُ وَمُظَالَمَتَهُ أَيْ ظُلْمَهُ
اَلظُّلْمَةُ [eż-żulmet] (żây’ın zammıyla ve zammeteynle) ve
اَلظَّلْمَاءُ [eż-żalmâ΄] (صَحْرَاءُ [ṡaḩrâ΄] vezninde) ve
اَلظَّلَامُ [eż-żalâm] (سَحَابٌ [seḩâb] vezninde) Karanlığa denir; yukâlu: عَلَتِ الظُّلْمَةُ وَالظُّلُمَةُ وَالظَّلْمَاءُ وَالظَّلَامُ وَهُوَ ذَهَابُ النُّورِ Şârih der ki nûr ile zulmet beynlerinde tekâbülü’l-ʹadem ve’l-meleke vardır, zîrâ ظُلْمَةٌ [żulmet] عَدَمُ النُّورِ عَمَّا مِنْ شَأْنِهِ أَنْ يَسْتَنِيرَ ile muʹarreftir, niteki mü΄ellif ʹindinde dahi marzî budur. Ve baʹzılar nûra münâfî ʹarz ile taʹrîf eylemekle ona göre tekâbül-i tezâdd olur, niteki mevt ve hayât dahi bu resmedir. İntehâ. Ve
ظَلْمَاءُ [żalmâ΄] Sıfat olur; yukâlu: لَيْلَةٌ ظَلْمَاءُ أَيْ شَدِيدَةُ الظُّلْمَةِ وَيُقَالُ لَيْلٌ ظَلْمَاءُ وَهُوَ شَاذٌّ كَمَا حُكِيَ لَيْلٌ قَمْرَاءُ Bunlarda لَيْلٌ [leyl] لَيْلَةٌ [leylet] makâmına vazʹ olunmuştur.
اَلظَّلَامُ [eż-żalâm] (ṯâ’nın fethi ve lâm’ın tahfîfi ile) Evvelü’l-leyl maʹnâsına. Ve
ظَلَامٌ [żalâm] Masdar dahi gelir, zehâb-ı nûr maʹnâsına; yukâlu: ظَلِمَ مِنَ الْبَابِ الرَّابِعِ بِمَعْنَى أَظْلَمَ
Sitemizde detaylı hızlı ve kolay arama ekranı