اَلْعِلْبَةُ [el-ʹilbet] (ʹayn’ın kesriyle) İri ağaç bedenlerinde olan şol ʹukdeye denir ki omça ve kütük taʹbîr olunur. Ondan مِقْطَرَةٌ [miḵṯarat] yaʹnî tomruk ittihâz olunur ki mahbûs ayağına geçirilir.
اَلْعُلْبَةُ [el-ʹulbet] (جُرْعَةٌ [curʹat] vezninde) Uzun hurmâ ağacına denir. Ve süt sağacak büyük çanağa denir ki deve derisinden yâhûd tahtadan olur; Türkîde külek taʹbîr olunur; kutuya dahi عُلْبَةٌ [ʹulbet] ıtlâk olunur. Cemʹi عِلاَبٌ [ʹilâb] gelir ʹayn’ın kesriyle ve عُلَبٌ [ʹuleb] gelir, صُرَدٌ [ṡurad] vezninde. Ve
عُلْبَةُ [ʹUlbet] Esâmî-i ricâldendir: ʹUlbe b. Zeyd ve Muḩammed b. ʹUlbe ashâbdandır.
اَلْعُلْبَةُ [el-ʹulbet] (ʹayn’ın zammıyla ve lâm’ın sükûnuyla) Süt kodukları kaba derler ki deriden ola.
Sitemizde detaylı hızlı ve kolay arama ekranı