Kamus-ı Muhit - الغرر maddesi

اَلْغَرَرُ [el-ġarer] (fethateynle) تَغْرِيرٌ [taġrîr] ve تَغِرَّةٌ [taġirret]in maʹnâ-yı evvelinden ismdir, hatar ve tehlikeye denir. Kâle’ş-şârih وَفِي الْحَدِيثِ أَنَّهُ عَلَيْهِ السَّلاَمُ ḣنَهَى عَنْ بَيْعِ الْغَرَرِḢ وَهُوَ الْخَطَرُ يَعْنِي مَا كَانَ عَلَى غَيْرِ عُهْدَةٍ وَلاَ ثِقَةٍ وَيَدْخُلُ فِيهِ الْبُيُوعُ الَّتِي لاَ يُحِيطُ بِكُنْهِهَا الْمُتَبَايِعَانِ مِنْ كُلِّ مَجْهُولٍ Meselâ suda balık ve havâda kuş satmak gibi.

Vankulu Lugatı - الغرر maddesi

اَلْغُرَرُ [el-ġurer] (ġayn’ın zammı ve râ’nın fethiyle) غُرَّةٌ [ġurret]in cemʹi; yukâlu: هُمْ غُرَرُ قَوْمِهِمْ Ve

غُرَرٌ [ġurer] Ayın ibtidâsında olan üç gece. Ve her nesnenin evveline ve ekremine غُرَّةٌ [ġurret] derler. Ve ʹabde ve câriyeye dahi غُرَّةٌ [ġurret] derler. Ve fi’l-hadîsi: “قَضَى رَسُولُ اللهِ صلى الله عليه وسلم فِي الْجَنِينِ بِغُرَّةٍ” Gûyâ ki mecmûʹ-ı bedenden غُرَّةٌ [ġurret] ile taʹbîr olunmuştur.

اَلْغَرَرُ [el-ġarer] (fethateynle) Hatar maʹnâsınadır; “وَنَهَى رَسُولُ اللهِ صَلَّى اللهُ عَلَيْهِ وَسَلَّمَ عَنْ بَيْعِ الْغَرَرِ وَهُوَ مِثْلُ بَيْعِ السَّمَكِ فِي الْمَاءِ وَالطَّيْرِ فِي الْهَوَاءِ” Ve

اَلْغَرُورُ [el-ġarûr] (ġayn’ın fethiyle ve râ’nın zammıyla ve meddiyle) Şeytân maʹnâsınadır. Ve minhu kavluhu taʹâlâ: ﴿وَلَا يَغُرَّنَّكُمْ بِاللهِ الْغَرُورُ﴾ (لقمان 33، فاطر5) Ve

غَرُورٌ [ġarûr] Kezâlik şol devâdır ki onunla gargara olunur, لَدُودٌ [ledûḋ] ve لَعُوقٌ [leʹûḵ] ve سَعُوطٌ [eaʹûṯ] dedikleri gibi. لَدُودٌ [ledûd] lâm’ın fethiyle ve dâleyn-i mühmeleteynle şol devâdır ki ağzın bir cânibine dökülür. Ve لَعُوقٌ [leʹûḵ] lâm’ın fethi ve ʹayn-ı mühmelenin zammıyla şol devâdır ki dille yalanır. Ve سَعُوطٌ [seʹûṯ] sîn-i mühmelenin fethi ve ʹayn-ı mühmelenin zammıyla ve ṯâ-i mühmele ile şol devâdır ki burna istinşâk olunur.