اَلْغُضَابِيُّ [el-ġuḋâbiyy] (غُرَابِيٌّ [ġurâbiyy] vezninde) Şol kimseye denir ki ülfet ve muʹâşeretinde hem hilâf ve münâkeretinde keder ve elem ola, gûyâ ki göze düşen hâr u hâşâk makûlesine mensûbdur. Hafî olmaya ki mü΄ellif Baṡâ΄ir’de غَضَبٌ [ġaḋab] ile غَيْظٌ [ġayż]ı bu vechile fark eylemiştir ki غَضَبٌ [ġaḋab] intikâm irâdesine mebnî dem-i kalbin severân eylemesinden ʹibârettir ve غَيْظٌ [ġayż] ʹalâ-kavlin غَضٌَ [ġaḋab]ın eşeddine ve ʹalâ-re΄yin sevret ve hiddetine ıtlâk olunur ki severân dem-i kalbden neş΄et eden harâretten ʹibârettir.
Sitemizde detaylı hızlı ve kolay arama ekranı