اَلْفَلُّوجُ [el-fellûc] (تَنُّورٌ [tennûr] vezninde) Yazıcıya ıtlâk olunur, كَاتِبٌ [kâtib] maʹnâsına; yukâlu: هُوَ فَلُّوجٌ أَيْ كَاتِبٌ Mütercim der ki bu mâdde elbette فَلْجٌ [felc] mâddesinden me΄hûzdur, zâhiren taksîm maʹnâsından olmak gerektir. Hele fevz ve zafer maʹnâsı, kâtibe göre baʹîddir, zîrâ kâtib ile ihtiyâc hem-ʹadeddir. Ve bir mevziʹ adıdır.
اَلْفُلُوجُ [el-fulûc] (zammeteynle) فَلْجٌ [felc]in cemʹidir, pâre maʹnâsına. Ve فِلْجٌ [filc]in dahi cemʹi gelir fâ’nın kesriyle. فِلْجٌ [filc]in maʹnâsı ʹan-karîb gelir inşâ΄allâhu taʹâlâ. Ve
فَلْجٌ [felc] Farz maʹnâsına da gelir; yukâlu: فَلَجْتُ الْجِزْيَةَ عَلَى الْقَوْمِ أَيْ فَرَضْتُهَا عَلَيْهِمْ Ebû ʹUbeyd eyitti: Bu قَفِيزٌ فَالِجٌ [ḵafîz fâlic]den me΄hûzdur. Ve قَفِيزٌ فَالِجٌ [ḵafîz fâlic] ʹan-karîb gelir inşâ΄allâhu taʹâlâ.
Sitemizde detaylı hızlı ve kolay arama ekranı