Kamus-ı Muhit - القصبة maddesi

اَلْقَصِبَةُ [el-ḵaṡibet] (فَرِحَةٌ [feriḩat] vezninde) ve

اَلْمَقْصَبَةُ [el-maḵṡabet] (مَصْطَبَةٌ [maṡṯabat] vezninde) Kamışlığa denir; yukâlu: أَرْضٌ قَصِبَةٌ وَمَقْصَبَةٌ أَيْ كَثِيرَةُ الْقَصَبِ

اَلْقَصَبَةُ [el-ḵaṡabet] (fetehâtla) قَصْبٌ [ḵaṡb] kelimesinin müfredidir, niteki zikr olundu. Ve

قَصَبَةٌ [ḵaṡabet] Yeni kazılmış kuyuya denir. Ve köşke denir, قَصْرٌ [ḵaṡr] maʹnâsına; ʹalâ-kavlin kasrın cevfine yaʹnî içerisine denir. Ve şehre denir, مَدِينَةٌ [medînet] maʹnâsına ki bir vilâyetin şehri olacaktır; ʹalâ-kavlin şehr-i ʹazîme yaʹnî bir ülkesini yâhûd bir vilâyetin cümleden aʹzam olan şehrine denir, Şâm eyâletinde Dimaşḵ ve Mıṡır ülkesinde Ḵâhire gibi ki kâʹidetü’l-mülk ve taht-gâh taʹbîr olunur. Ve

قَصَبَةٌ [ḵaṡabet] Karyeye denir, hâlen beynimizde müteʹâref olduğu üzere. Şehr-i sagîre ıtlâkı zâhiren karye maʹnâsından me΄hûzdur. Esâs’ın beyânına göre medîne maʹnâsına cevf-i kasr maʹnâsından olduğu me΄hûzdur; vasat-ı vilâyette vukûʹu mülâhazasına mebnîdir. Ve

قَصَبَةٌ [Ḵaṡabet] ʹIrâḵ’ta mahsûs bir karye adıdır. Ve

قَصَبَةٌ [ḵaṡabet] Burulmuş saç bölüğüne ıtlâk olunur. Ve ilikli kemiğe ıtlâk olunur.

Vankulu Lugatı - القصبة maddesi

اَلْقَصَبَةُ [el-ḵaṡabet] (fethateynle) قَصَبٌ [ḵaṡab]ın müfredi. Ve

قَصَبَةُ الْأَنْفِ [ḵaṡabetu’l-enf] derler burun kemiğine. Ve

قَصَبَةُ الْقِرْبَةِ [ḵaṡabetu’l-ḵirbet] derler vasat-ı kırbaya. Ve

قَصَبَةُ السَّوَادِ [ḵaṡabetu’s-sevâd] derler şehre. Ve

قَصَبٌ [ḵaṡab] ki burun kemiğidir ve gümüşten düzülen müdevver nesnedir, vâhidine قَصَبَةٌ [ḵaṡabet] derler.