اَلْقُضَّامُ [el-ḵuḋḋâm] (زُنَّارٌ [zunnâr] vezninde) Deve merʹâsı olan şûr otluktan bir nevʹin ismidir yâhûd طَحْمَاءُ [ṯaḩmâ΄] dedikleridir. Ve pek boy sürüp uzamakla yemişi hafîf ve kalîl olan hurmâ ağacına denir ki kuvvetini boyuna verir; cemʹi قَضَاضِيمُ [ḵaḋâḋîm]dir.
اَلْقَضَامُ [el-ḵaḋâm] (سَحَابٌ [seḩâb] vezninde) ve
اَلْقَضِيمُ [el-ḵaḋîm] (أَمِيرٌ [emîr] vezninde) ve
اَلْمَقْضَمُ [el-maḵḋam] (مَقْعَدٌ [maḵʹad] vezninde) ve
اَلْقُضْمَةُ [el-ḵuḋmet] (لُقْمَةٌ [luḵmet] vezninde) Isırıp yiyecek nesneye denir ki yiyinti taʹbîr olunur; yukâlu: مَا ذُقْتُ قَضَامًا وَقَضِيمًا وَمَقْضَمًا وَقُضْمَةً وَهُوَ مَا يُقْضَمُ عَلَيْهِ Ve
مَقْضَمٌ [maḵḋam] (مَقْعَدٌ [maḵʹad] vezninde) Diş uçlarıyla nesne yiyecek mahalle denir, niteki مَخْضَمٌ [maḣḋam] ağız doldurarak nesne yiyecek mahalle denir. Bir aʹrâbî Mekke’ye gelip ʹamm-zâdesine mihmân oldukta إِنَّ هَذِهِ بِلَادُ مَقْضَمٍ وَلَيْسَتْ بِبِلَادِ مَخْضَمٍ dedi. Murâdı Mekke’nin zâd ve zahîresinin kılletini yâhûd ehl-i Mekke’nin ashâb-ı riyâzat olduklarını kinâyedir.
اَلْقَضَامُ [el-ḵaḋâm] (ḵâf’ın fethiyle) Me΄kûlât kısmından olan nesne; tekûlu: مَا ذُقْتُ قَضَامًا أَيْ شَيْئًا
Sitemizde detaylı hızlı ve kolay arama ekranı