اَلْكَدَرَةُ [el-kederet] (fetehâtla) Havuzun çamuruna, ʹalâ-kavlin yüzünde olan yosun makûlesine denir. Ve yufkaca buluta ıtlâk olunur. Ve at kısmı yürürken ve seğirtirken ayağı altından kopup sıçrayan irice kesek pâresine ıtlâk olunur. Ve biçilmiş ekin demetine denir. Cemʹ-i cinsi كَدَرٌ [keder]dir hâ’sız.
اَلْكَدَارَةُ [el-kedâret] (خَسَارَةٌ [ḣasâret] vezninde) ve
اَلْكَدَرُ [el-keder] (fethateynle) ve
اَلْكُدُورُ [el-kudûr] ve
اَلْكُدُورَةُ [el-kudûret] (kâf’ların zammıyla) ve
اَلْكُدْرَةُ [el-kudret] (kâf’ın zammı ve dâl’ın sükûnuyla) Bir nesne bulanık olmak maʹnâsınadır ki safvet mukâbilidir; yukâlu: كَدَرَ الْمَاءُ مَثَلاً وَكَدِرَ وَكَدُرَ كَدَارَةً وَكَدَرًا وَكُدُورًا وَكُدُورَةً وَكُدْرَةً مِنَ الْبَابِ الثَّانِي وَالرَّابِعِ وَالْخَامِسِ نَقِيضُ صَفَا Ve ʹinde’l-baʹz كُدْرَةٌ [kudret] kâf’ın zammıyla, renkte olmağa mahsûstur ki karamtık boz ve kül rengi olmaktır. Ve كُدُورَةٌ [kudûret] mâ΄ ve ʹayn ve maʹîşette ve كَدَرٌ [keder] cümlesinde istiʹmâl olunur.
Sitemizde detaylı hızlı ve kolay arama ekranı