النَّبِيءُ [en-nebî΄] (hemze ile أَمِيرٌ [emîr] vezninde) Peygamber maʹnâsınadır ki muhbir-ʹanillâhi taʹâlâ olan zât-ı şerîftir. Bunda muhtâr olan hemzesiz olmaktır. Cemʹi أَنْبِيَاءٌ [enbiyâ΄] gelir أَنْصِبَاءُ [anṡibâ΄] vezninde ve نُبَآءُ [nube΄â΄] gelir كُرَمَاءُ [kuremâ΄] vezninde ve نَبِيؤُونَ [nebî΄ûn] gelir ki cemʹ-i müzekker-i sâlimdir.
النُّبَيِّءُ [en-nubeyyi΄] (نُبَيِّعٌ [nubeyyiʹ] vezninde) Bu dahi kelime-i tasgîrdir ki نَبِيءٌ [nebî΄] kelimesinden musaggardır; peygâmbercik demektir ki tahkîre mebnîdir; ve minhu kavlu’l-ʹArab: كَانَ مُسَيْلِمَةُ نُبَيِّءَ سَوْءٍ Bünye-i tasgîri vech-i mezkûr üzere binâ eylemek, نَبِيءٌ [nebî΄] lafzını, كُرَمَاءُ [kuremâ΄] vezninde نُبَآءُ [nube΄â΄] üzere cemʹlendiren mezhebe göredir, zîrâ bu sûrette tasgîri hemze ile olur; fe-ammâ أَنْبِيَاءُ [enbiyâ΄] üzere cemʹlendiren mezhebe göre tasgîri نُبَيٌّ [nubeyy] olur hemzesiz; yaʹnî cemʹde hemzeyi iltizâm eden, tasgîrde dahi iltizâm eder ve cemʹde terk eden, tasgîrde dahi terk eder. Cevherî, ʹale’l-ıtlâk zikr eylemekle hatâ eylemiştir.
النُّبَيِّءُ [en-nubeyyi΄] (nûn’un zammı ve bâ’nın fethiyle) نَبِيءٌ [nebî΄]in tasgîridir, ʹalâ-vezni نُبَيِّعٌ [nubeyyiʹ].
Sitemizde detaylı hızlı ve kolay arama ekranı