Kamus-ı Muhit - النفل maddesi

اَلنُّفَلُ [en-nufel] (صُرَدٌ [ṡurad] vezninde) Her ayın ibtidâ üç geceden sonra olan üç geceye ıtlâk olunur ki dördüncü ve beşinci ve altıncı olur.

اَلنَّفَلُ [en-nefel] (nûn’un ve fâ’nın fethiyle) Mâl-ı ganîmete denir ki doyumluk taʹbîr olunur, ʹatâ-i ilâhî olduğu için ıtlâk olundu; yukâlu: أَصَابَ الْغَازِي نَفَلًا أَيْ غَنِيمَةً Ve bahşişe denir; yukâlu: أَعْطَاهُ نَفَلًا أَيْ هِبَةً Cemʹi أَنْفَالٌ [enfâl] ve نِفَالٌ [nifâl] gelir nûn’un kesriyle. Ve

نَفَلٌ [nefel] Cacık ve salata yapılan otlardan bir gûne otun ismidir ki hoş-bû sarı çiçekleri olur, at kısmını müsemmindir.

اَلنَّفْلُ [en-nefl] (nûn’un fethi ve fâ’nın sükûnuyla) Bir adama mâl-ı ganîmet vermek maʹnâsınadır; yukâlu: نَفَلَهُ النَّفَلَ نَفْلًا مِنَ الْبَابِ الْأَوَّلِ إِذَا أَعْطَاهُ إِيَّاهُ Ve yemîn eylemek maʹnâsınadır; yukâlu: نَفَلَ الرَّجُلُ إِذَا حَلَفَ Ve bir adama ʹatiyye vermek maʹnâsınadır; yukâlu: نَفَلَهُ إِذَا أَعْطَاهُ نَافِلَةً مِنَ الْمَعْرُوفِ Ve pâdişâh mâl-ı ganîmeti kendi kabûl eylemeyip ʹale’l-ʹumûm ʹaskere bahş eylemek maʹnâsınadır; yukâlu: نَفَلَ الْإِمَامُ الْجُنْدَ إِذَا جَعَلَ لَهُمْ مَا غَنِمُوا Ve bir adamın min-gayr-i vücûb işlediği işe denir, نَافِلَةٌ [nâfilet] gibi, ke-mâ se-yuzkeru. Ve soğuk, بَرْدٌ [berd] maʹnâsınadır; yukâlu: أَصَابَهُ نَفْلٌ أَيْ بَرْدٌ

Vankulu Lugatı - النفل maddesi

اَلنُّفَلُ [en-nufel] (nûn’un zammı ve fâ’nın fethiyle) غُرَرٌ [ġurer]den sonra olan üç gecedir. Ve غُرَرٌ [ġurer] ġayn’ın zammı ve râ’nın fethiyle ayın ibtidâsından olan üç gecedir.

اَلنَّفَلُ [en-nefel] (fethateynle) Ganîmet mâlı.

اَلنَّفْلُ [en-nefl] (nûn’un fethi ve fâ’nın sükûnuyla) Şol ʹatiyyedir ki lâ-ʹan vücûb ola.