Kamus-ı Muhit - جرة maddesi

اَلْجَرَّةُ [el-cerret] (cîm’in fethiyle) Topraktan yapılmış büyük destîye denir ki el ile çekip götürmesi kâbil olur. Cemʹ-i cinsi جَرٌّ [cerr]dir hâ’sız ve cemʹ-i sîgı جِرَارٌ [cirâr]dır cîm’in kesriyle. Ve

جَرَّةٌ [cerret] Ekmeğe denir, خُبْزٌ [ḣubz] gibi, ʹalâ-kavlin hâssaten külde pişmiş ekmeğe denir.

جُرَّةٌ [curret] Şol ölçek tarzında bir gûne kaba denir ki demirden olup ve dibinde câ-be-câ süzgü gibi delikleri olmakla ekinci kısmı onun içine tohum doldurup beri öte gittiği yerde tarlaya tohum ilkâ eder, bâgçevân sikâyesi gibi bir kaptır. Ve Yezîd b. el-Aḣnes b. Ḩabîb b. Curre ashâbdandır.

اَلْجِرَّةُ [el-cirret] (cîm’in kesriyle) Binâ-i nevʹdir ki hey΄et ve hâlete delâlet eder; yukâlu: مَا أَحْسَنَ جِرَّتَهُ أَيْ هَيْئَةَ جَرِّهِ Ve

جِرَّةٌ [cirret] Geviş dedikleri şey΄e denir ki işkenbesi olan hayvân ekl eylediği nesneyi geri çıkarıp sakız gibi çiğneyip yine belʹ eder. Bunda cîm’in fethiyle de câ΄izdir; yukâlu: كَظَمَ الْبَعِيرُ جِرَّتَهُ وَهِيَ مَا يَفِيضُ بِهِ الْبَعِيرُ فَيَأْكُلُهُ ثَانِيَةً وَكَذَا الْغَنَمُ Batnlarından geri cerr ettikleri için ıtlâk olunmuştur. Ve

جِرَّةٌ [cirret] Şol çiynemtiye ve lokmaya ıtlâk olunur ki deve kısmı ʹalef gelince kadar onu ağızında beri öte çiğneyip avunur; bu gevişten başkadır; yukâlu: يَجْتَرُّ الْبَعِيرُ بِالْجِرَّةِ وَهِيَ اللُّقْمَةُ الَّتِي يَتَعَلَّلُ بِهَا إِلَى وَقْتِ عَلَفِهِ Ve

جِرَّةٌ [cirret] Konup göçer olan haşem-nişîn obasına denir; tekûlu: أَتَيْتُ عَلَى جِرَّةٍ أَيْ جَمَاعَةٍ يُقِيمُونَ وَيَظْعَنُونَ Ve Bâb b. Ži’l-Cirre şol kimsedir ki Hazret-i ʹOšamp;mân radıyallâhu ʹanhu ashâbından olmakla ʹAcem’de Rîşehr nâm beldenin fethi husûsunda ehl-i ʹAcem’den Suhrek nâm battâlı ki ser-ʹasker idi, katl eylemişti. Ve Sevm bint Cirre bir Aʹrâbiyyedir.