حَضَارٌ [Ḩaḋâr] (سَحَابٌ [seḩâb] vezninde) Yemâme ile Baṡra miyânında bir dağın adıdır. Ve هِجَانٌ [hicân] olan yaʹnî ak tüylü yâhûd kızıl tüylü develere denir; ḩâ’nın kesriyle de lügattır. Ve bunun müfredi yoktur, ʹalâ-kavlin müfred ve cemʹi beraberdir.
حَضَارِ [Ḩaḋâri] (قَطَامِ [ḵaṯâmi] vezninde) Bir kevkeb adıdır. Bu kevkeb cenûbda Süheyl yıldızından mukaddemce tulûʹ eder, hattâ nâs bunu Süheyl zann ederler.
حَضَارِ [Ḩaḋâri] (ḩâ’nın fethi ve râ’nın kesri üzere binâsıyla) Bir yıldızın ismidir; yukâlu: حَضَارِ وَالْوَزْنُ مُحْلِفَانِ Yaʹnî حَضَارِ [Ḩaḋâri] adlı yıldız ve وَزْنٌ [vezn] adlı yıldız bunların ikisi and içmeğe bâʹis oluculardır, zîrâ bunlar Süheyl adlı yıldıza müşâbih olduğu için gören bu Süheyl’dir, diye yemîn eder.
اَلْحِضَارُ [el-ḩîḋâr] (ḩâ’nın kesriyle) Yürümesi ve seğirtmesi güzel olan deve. Bunun vâhidi ve cemʹi berâberdir. Ve
حِضَارٌ [ḩiḋâr] Kezâlik seğirtişmek maʹnâsına da gelir, nitekim el-ân mürûr etti. Ve
حِضَارٌ [ḩiḋâr] Şol nâkaya derler ki kavî ola ve yüğrük ola; yukâlu: نَاقَةٌ حِضَارٌ إِذَا جَمَعَتْ قُوَّةً وَرُحْلَةً Ve رُحْلَةٌ [ruḩlet] râ’nın zammıyla cevdet-i seyre derler.
Sitemizde detaylı hızlı ve kolay arama ekranı