حَلْيَةُ [Ḩalyet] (تَمْرَةٌ [temret] vezninde) Üç mevziʹ ismidir.
اَلْحِلْيَةُ [el-ḩilyet] (ḩâ’nın kesriyle) Bu dahi düzgüne ve pîrâyeye denir, حَلْيٌ [ḩaly] maʹnâsına; cemʹi حِلًى [ḩilâ] gelir ḩâ’nın kesri ve elifin kasrıyla ve حُلًى [ḩulâ] gelir ḩâ’nın zammıyla. Ve
حُلَى السَّيْفِ [ḩula’s-seyfi] ve
حُلَاةُ السَّيْفِ [ḩulâtu’s-seyfi] ki ḩâ’ların zammıyladır, bundandır ki kılıçın balçağında ve niyâmında olan zîb ve zînetlerden ʹibârettir. Ve
حِلْيَةٌ [ḩilyet] Hilkat ve sûret ve sıfat maʹnâlarına müstaʹmeldir; yukâlu: هُوَ كَرِيمُ الْحِلْيَةِ أَيِ الْخِلْقَةِ ve tekûlu: عَرَفْتُهُ مِنْ حِلْيَتِهِ أَيْ صُورَتِهِ وَصِفَتِهِ
حَلْيَةُ [Ḩalyet] (ḩâ’nın fethi ve lâm’ın sükûnuyla) Nâhiye-i Yemen’de bir yerin ismidir ki arslanı çok olmakla maʹrûftur.
اَلْحِلَى [el-ḩilâ] (ḩâ’nın kesri ve elifin kasrıyla) Cemʹi, لِحْيَةٌ [liḩyet] ile لِحًى [liḩâ] gibi. Ve gâh olur lâm mazmûm kılınır. Ve
حِلْيَةٌ [ḩilyet] Bir kimsenin sıfatına dahi derler.
Sitemizde detaylı hızlı ve kolay arama ekranı