اَلرَّزْقُ [er-rezḵ] (râ’nın fethiyle) Masdar-ı hakîkîdir, rızk vermek maʹnâsınadır; yukâlu: رَزَقَهُ اللهُ رِزْقًا مِنَ الْبَابِ اْلأَوَّلِ إِذَا أَوْصَلَ إِلَيْهِ رِزْقًا Şârihin beyânına göre râ’nın kesriyle ism olduğu gibi masdar dahi olur. Ve
رَزْقٌ [rezḵ] Ezd lügatinde niʹmete şükr eylemek maʹnâsınadır; yukâlu: رَزَقَ فُلاَنًا إِذَا شَكَرَهُ
اَلْأَرْزَاقُ [el-erzâḵ] (hemzenin fethiyle) Cemʹi. Ve
رِزْقٌ [rizḵ] Bahşiş vermeğe dahi derler, رَزَقَهُ اللهُ kavlinden masdardır. Ve gâh olur yağmura dahi رِزْقٌ [rizḵ] derler, nitekim Bârî taʹâlâ buyurmuştur: ﴿وَمَا أَنْزَلَ اللهُ مِنَ السَّمَاءِ مِنْ رِزْقٍ فَأَحْيَا بِهِ الْأَرْضَ بَعْدَ مَوْتِهَا﴾ (الجاثية، 5) ;(الذاريات، 22)﴿وَفِي السَّمَاءِ رِزْقُكُمْ وَمَا تُوعَدُونَ﴾ Ve bu lügatte olan ittisâʹ kabîlindendir. “اَلتَّمْرُ فِي قَعْرِ الْقَلِيبِ” derler hâlâ ki murâd hurmâyı kuyu suyuyla suvarmaktır, سَقْيُ نَخْلٍ maʹnâsına. Ve قَلِيبٌ [ḵalîb] ḵâf’la kuyu maʹnâsınadır.
Sitemizde detaylı hızlı ve kolay arama ekranı