اَلْأُمَّانُ [el-ummân] (رُمَّانٌ [rummân] vezninde) Vasftır ki zikr olundu. Ve ümmî maʹnâsınadır ki yazı yazmayan ve yazı bilmeyen adama denir. Şârih der ki bu “أ،م،م” mâddesindendir, niteki mahallinde zikr olundu. Ve
أُمَّانٌ [ummân] Ekincilere denir, زُرَّاعٌ [zurrâʹ] maʹnâsına.
اَلْأَمْنُ [el-emn] (hemzenin fethi ve mîm’in sükûnuyla) ve
اَلْآمِنُ [el-âmin] (صَاحِبٌ [ṡâḩib] vezninde) İsmlerdir, korkusuzluğa denir ki derûnda havftan eser olmayıp sâkin ve âsûde olmasından ʹibârettir; yukâlu: هُوَ فِي أَمْنٍ مِنْهُ وَآمِنٍ وَهُوَ ضِدُّ الْخَوْفِ Zâhiren صَاحِبٌ [ṡâḩib] vezninde آمِنٌ [âmin] كَاهِلٌ [kâhil] ve حَارِكٌ [ḩârik] gibi ismdir yâhûd mübâlagadır. Ve
أَمْنٌ [emn] ve
أَمَانٌ [emân] (سَلَامٌ [selâm] vezninde) ve
أَمَنٌ [emen] (fethateynle) ve
أَمَنَةٌ [emenet] (fetehâtla) ve
إِمْنٌ [imn] (hemzenin kesriyle) Masdarlardır, korkusuz âsûde olmak maʹnâsınadır; yukâlu: أَمِنَ الرَّجُلُ أَمْنًا وَأَمَانًا وَأَمَنًا وَأَمَنَةً وَإِمْنًا مِنَ الْبَابِ الرَّابِعِ ضِدُّ خَافَ
Sitemizde detaylı hızlı ve kolay arama ekranı