اَلْإِنْشَاءُ [el-inşâ΄] (hemzenin kesriyle) Mevâşî mugaylân gibi iri meşe ağacının نَشْوَةٌ [neşvet]ini bulmak maʹnâsınadır; yukâlu: أَنْشَى الْبَعِيرُ إِذَا وَجَدَ نَشْوَةَ الْعِضَاهِ
الإِنْشَاءُ [el-inşâ΄] (hemzenin kesriyle) Bir nesne neşv ü nemâ bulmak maʹnâsınadır; yukâlu:أُنْشِئَ الشَّيْءُ عَلَى الْمَجْهُولِ وَنُشِّئَ ke-mâ zukire. Ve fiʹl-i şürûʹ ve mübâşeret olur; جَعَلَ [ceʹale] ve طَفِقَ [ṯafiḵa] gibi; yukâlu: أَنْشَأَ يَحْكِي حَدِيثًا أَيْ جَعَلَ Ve bir yerden çıkmak maʹnâsınadır; yukâlu: أَنْشَأَ مِنْهُ إِذَا خَرَجَ Ve nâka gebe kalmak maʹnâsınadır; yukâlu: أَنْشَأَتِ النَّاقَةُ إِذَا لَقِحَتْ Ve bir husûsa yeni başlamak maʹnâsınadır; yukâlu: أَنْشَأَ دَارًا إِذَا بَدَأَ بِنَائَهَا Ve bir nesneyi yükseltmek maʹnâsınadır; yukâlu: أَنْشَأَ اللهُ السَّحَابَ أَيْ رَفَعَهُ Ve bir nesneyi bir kimse kendiliğinden peydâ eylemek maʹnâsınadır; yukâlu: أَنْشَأَ فُلاَنٌ الْحَدِيثَ أَيْ وَضَعَهُ ʹİlm-i inşâ΄, bu maʹnâdandır.
اَلْإِنْشَاءُ [el-inşâ΄] Halk etmek; yukâlu: أَنْشَأَ اللهُ خَلْقَهُ Ve mürtefiʹ kılmak maʹnâsına da gelir; yukâlu: أَنْشَأَهَا اللهُ أَيْ جَعَلَ السَّحَابَةَ مُرْتَفِعَةً Ve ibtidâ΄ maʹnâsına gelir; yukâlu: أَنْشَأَ يَفْعَلُ كَذَا أَيِ ابْتَدَأَ Ve فُلَانٌ يُنْشِئُ الْأَحَادِيثَ أَيْ يَصْنَعُهَا Yaʹnî kendiden peydâ eder.
Sitemizde detaylı hızlı ve kolay arama ekranı