اَلْبَاخِسُ [el-bâḣis] Naks edici maʹnâsınadır; ve minhu’l-meselu: ḣتَحْسَبُهَا حَمْقَاءَ وَهِيَ بَاخِسٌ أَوْ بَاخِسَةٌḢ Mesel-i mezbûr zâhiren belâhet ve hamâkat izhâr edip lâkin nefsinde mekr ve dehâ sâhibi kimse hakkında darb olunur. Aslı budur ki bir adam bir mâl-dâr hatunu görüp zâhir-i hâlinden hamkâ΄ olmak zannıyla ben mâlımı bunun mâlına halt edip baʹde-zamân taksîm eylediğimizde mâlın güzîdesini ben alırım yâhûd bunun baʹzı mâlını benimdir diyerek hisseme ifrâz ederim mülâhazâsıyla mâlını mezbûrenin mâlına halt eyledi. Lâkin taksîm vaktinde hatun bi’l-cümle mâlını istîfâ eyledikten sonra zarar dahi iddiʹâ eylemekle merkûmdan kendisine bir mikdâr mâl dahi alıverdiler. Ve merkûma bu bâbda levm ve tevbîh ettiklerinde kelâm-ı mezbûru îrâd eyledi.
Sitemizde detaylı hızlı ve kolay arama ekranı