اَلتَّحَدُّبُ [et-teḩaddub] (تَرَتُّبٌ [terettub] vezninde) Bir kimseye yâ bir nesneye ilişip mürtebit ve müteʹallik olmak maʹnâsınadır; yukâlu: تَحَدَّبَ بِهِ اِذَا تَعَلَّقَ Ve bir kimseyi esirgeyip mihrübânlık eylemek maʹnâsınadır; yukâlu: تَحَدَّبَ عَلَيْهِ اِذَا تَعَطَّفَ Ve dul hatun evlâdına mihr ve şefkatinden ere varmayıp dul oturmak maʹnâsınadır; yukâlu: تَحَدَّبَتِ الْمَرْأَةُ اِذَا لَمْ تَتَزَوَّجْ وَأَشْبَلَتْ عَلَى وَلَدِهَا Bunlar bi’l-cümle maʹnâ-yı mecâzîdir. Meselâ bir kimseye kamburluk gibi yapışıp taʹalluk eylemek ve esirgediği kimse üzere kamburluk gibi avrılıp düşmek dakîkalarını mülâhazaya mebnîdir.
اَلْحَدَبُ [el-ḩadeb] ve
اَلتَّحَدُّبُ [et-teḩaddub] Meyl etmek, taʹattuf maʹnâsına; yukâlu: حَدِبَ عَلَيْهِ مِنَ الْبَابِ الرَّابِعِ وَتَحَدَّبَ عَلَيْهِ أَيْ تَعَطَّفَ
Sitemizde detaylı hızlı ve kolay arama ekranı