اَلتَّوَسُّفُ [et-tevessuf] (تَفَعُّلٌ [tefaʹʹul] vezninde) Bir nesne kavlayıp kabuğu soyulmak maʹnâsınadır; yukâlu: تَوَسَّفَ الشَّيْءُ إِذَا تَقَشَّرَ Ve devenin pek semizliğinden uylukları ve sağrıları câ-be-câ yarılıp çatlamak maʹnâsınadır; ʹalâ-kavlin be-gâyet tavlanmakla eski tüyü dökülüp yeniden tüylenmek maʹnâsınadır; yukâlu: تَوَسَّفَ الْبَعِيرُ إِذَا ظَهَرَ فِيهِ الْوَسْفُ أَوْ أَخْصَبَ وَسَمِنَ وَسَقَطَ وَبَرُهُ الْأَوَّلُ وَنَبَتَ الْجَدِيدُ
اَلتَّوَسُّفُ [et-tevessuf] (fethateynle ve sîn’in zammı ve teşdîdiyle) Bir nesne kavlayıp kabı soyulmak, تَقَشُّرٌ [teḵaşşur] maʹnâsına. İbnu’s-Sikkît eyitti: Beden-i insâna ʹârız olan çıban ve çiçek kaçan kuruyup kabı soyulsa تَوَسَّفَ الْقُرْحُ derlerve devenin gicigi onulmağa başlasa تَوَسَّفَ جِلْدُهُ وَتَقَشْقَشَ جِلْدُهُ وَتَقَشَّرَ derler, cümlesi bir maʹnâyadır.
Sitemizde detaylı hızlı ve kolay arama ekranı