اَلتَّوْرِيَةُ [et-tevriyet] (تَفْعِلَةٌ [tefʹilet] vezninde) Çakmaktan âteş çıkarmak maʹnâsınadır; tekûlu: وَرَّيْتُ الزَّنْدَ إِذَا أَخْرَجْتَ نَارَهُ Ve bir nesneyi örtüp gizlemek maʹnâsınadır; yukâlu: وَرَّى الشَّيْءَ إِذَا أَخْفَاهُ Ve bir lakırdıyı ve bir haberi izhâr ve tasrîh eylemeyip perde-i hafâda komak maʹnâsınadır; yukâlu: وَرَّى الْخَبَرَ إِذَا جَعَلَهُ وَرَاءَهُ Ve bir nesneyi murâd edip zâhirde gayrı izhâr eylemek maʹnâsınadır, meselâ bir lafz zikr eylese ki iki maʹnâya delâleti olup biri karîb ve biri baʹîd ola, karîne-i hafiyyeye iʹtimâden maʹnâ-yı baʹîd murâd eylemek gibi; yukâlu: وَرَّى عَنْ كَذَا أَيْ أَرَادَهُ وَأَظْهَرَ غَيْرَهُ Ve bir adama nusret edip tarafına müteveccih olan havâdis ve mezâlim makûlesi hâlâtı ondan defʹ eylemek maʹnâsınadır; yukâlu: وَرَّى عَنْهُ إِذَا نَصَرَهُ وَدَفَعَهُ Burada bâ-yı muvahhade ile بَصَرَهُ nüshaları galattır.
اَلتَّوْرِيَةُ [et-tevriyet] (ʹalâ-vezni اَلتَّرْبِيَة [et-terbiyet]) Bi-maʹnâhu; tekûlu: وَرَّيْتُهُ تَوْرِيَةً وَأَوْرَيْتُهُ إِيرَاءً
Sitemizde detaylı hızlı ve kolay arama ekranı