اَلْجُنْبُذُ [el-cunbuž] (قُنْفُذٌ [ḵunfuž] vezninde) Nar ağacının çiçeğine denir. Şârih der ki mü΄ellifin كَالْجُلَّنَارِ مِنَ الرُّمَّانِ kavli teşbîh fi’l-maʹnâdır ki جُلَّنَارٌ [cullenâr] dendiği gibi جُنْبُذٌ [cunbuž] dahi denir. Kaldı ki جُنْبُذٌ [cunbuž] kubbeye denmekle irtifâʹı mutazammın olduğuna mebnî her tomurcuklanmış çiçeğe ve hâssaten nârın tomurcuklanmış çiçeğine ıtlâk olunmak üzere ümmehât-ı sâ΄irede mersûmdur. İntehâ. Ve جُنْبُذٌ [cunbuž] kelimesinin maʹânî-i sâ΄iresi “ج،ب،ذ” mâddesinde meşrûhtur. Asâlet-i nûnuna mebnî mevziʹ-i zikri bu makâmdır. Ve Cunbuž b. Sebuʹ yâhûd Sibâʹ bir kimsedir ki Nebî-i ekrem ʹaleyhi’s-selâm hazretleriyle bir günün vakt-i sabâhında kâfir olarak harb ve kıtâl ve akşamında müslim olarak aʹdâsıyla cenk ve cidâl eyledi. Vakʹa-i mezbûre gazve-i Ḩudeybiye’de vâkiʹ olmuştur.
Sitemizde detaylı hızlı ve kolay arama ekranı