Kamus-ı Muhit - الجن maddesi

اَلْجِنُّ [el-cinn] (cîm’in kesriyle) Gecenin zulmetine yâhûd ihtilâtına denir ki zikr olundu. Ve جِنُّ النَّاسِ [cinnu’n-nâs] ve جَنَانُ النَّاسِ [cenânu’n-nâs] ki سَحَابٌ [seḩâb] veznindedir, müctemaʹ-ı nâsın göm ve firâvân olan yerine denir, dâhil olanı setr eylediği için; tekûlu: لَقِيتُهُ فِي جِنِّ النَّاسِ وَجَنَانِهِمْ أَيْ مُعْظَمِهِمْ Ve

جِنٌّ [cinn] Melâ΄ikeye ıtlâk olunur, mestûr oldukları için, جِنَّةٌ [cinnet] dahi denir.

اَلْجَنُّ [el-cenn] (cîm’in fethi ve nûn’nun teşdîdiyle) ve

اَلْجُنُونُ [el-cunûn] (قُعُودٌ [ḵuʹûd] vezninde) Bir nesneyi setr ve nihân eylemek maʹnâsınadır; yukâlu: جَنَّهُ اللَّيْلُ وَجَنَّ عَلَيْهِ جَنًّا وَجُنُونًا مِنَ الْبَابِ الْأَوَّلِ إِذَا سَتَرَهُ وَكُلُّ مَا سُتِرَ عَنْكَ فَقَدْ جُنَّ عَنْكَ Mü΄ellifin Baṡâ΄ir’de beyânına göre جَنٌّ [cenn] mâddesi setr maʹnâsına mevzûʹ olup maʹânî-i sâ΄ire ondan münşaʹibdir. Ve

جَنٌّ [cenn] Rahimde cenîn mestûr olmak maʹnâsınadır; yukâlu: جَنَّ الْجَنِينُ فِي الرَّحِمِ جَنًّا مِنَ الْبَابِ الثَّانِي إِذَا اسْتَتَرَ Ve

جَنٌّ [cenn] ve

جُنُونٌ [cunûn] Delirmek maʹnâsınadır ki ʹakl mestûr olur; yukâlu: جُنَّ الرَّجُلُ جَنًّا وَجُنُونًا عَلَى الْمَجْهُولِ إِذَا صَارَ مَجْنُونَا Ve

جِنٌّ [cinn] (cîm’in kesriyle) ve

جُنُونٌ [cunûn] ve

جِنَانٌ [cinân] (كِتَابٌ [kitâb] vezninde) Gece muzlim olmak yâhûd karanu kavuşmak maʹnâsınadır; yukâlu: جَنَّ اللَّيْلُ جِنًّا وَجُنُونًا وَجِنَانًا إِذَا أَظْلَمَ أَوِ اخْتَلَطَتْ ظُلْمَتُهُ ve yukâlu: وَارَاهُ جِنُّ اللَّيْلِ وَجُنُونُهُ وَجِنَانُهُ أَيْ ظُلْمَتُهُ أَوِ اخْتِلَاطُ ظُلْمَتِهِ Ve

جُنُونٌ [cunûn] Yerin otları bi’l-cümle çiçek açmak maʹnâsınadır; yukâlu: جُنَّتِ الْأَرْضُ عَلَى الْمَجْهُولِ إِذَا أَخْرَجَتْ زَهْرَهَا وَنَوْرَهَا

Vankulu Lugatı - الجن maddesi

اَلْجِنُّ [el-cinn] (cîm’in kesri ve nûn’un teşdîdiyle) إِنْسٌ [ins]in mukâbilidir.

اَلْجَنُّ [el-cenn] (cîm’in fethi ve nûn’un teşdîdiyle) Örtmek.