اَلسَّبَنْجُونَةُ [es-sebencûnet] (sîn’in fethi ve bâ’nın sükûnuyla) Tilki derisinden maʹmûl bir gûne ferve, yaʹnî kürk ismidir. Ve bu, âsmân-gûn muʹarrebidir ki gök renkli demektir. Pes gök yâhûd mâ΄î olur, o renkte tilki kürkü nâ-maʹrûf olmakla lafz-ı mezbûr şeb-gûne muʹarrebi olsa pek mülâyim olur ki gece renkli demek olur ki murâd siyâhtır, zîrâ semmûr gibi siyâh tilki mevcûddur. Husûsan Mekke oğlağı derisinden yaptıkları kürk maʹlûmdur. Eğer tilki derisiyle mukayyed olmasa sincâb ve teyin muhtemel idi. Bundan başka âsmân-gûn lafzından taʹrîb-i mezkûr mahz tekellüftür.
Sitemizde detaylı hızlı ve kolay arama ekranı