اَلسِّرْدَابُ [es-sirdâb] (sîn’in kesriyle) Yer altında yaz günü ıssı vaktlerde ârâm için ittihâz olunan mahzen gibi yere denir ve bu, Fârisîden muʹarrebdir. Şârihin beyânına göre zîr-i zemîn ve izbe taʹbîr olunur, hâlen Baġdâd şehrinde müteʹâreftir. Serdâbe-i Fârisîden muʹarrebdir ki sîn’in fethiyledir, su tebrîd eyleyecek yer demektir. Fi’l-asl tebrîd için oraya su küpü vazʹ olunur idi. Hâlen bu diyârlarda bodrum ve mahzen taʹbîr olunur. Baʹdehu şiddet-i harâret-i sayfta kendiler dahi ârâm eylemeleriyle tekellüflü binâ olunur olmuştur. Bunda ʹalâmet-i taʹrîb sîn’in kesridir ki قِرْطَاسٌ [ḵirṯâs] makûlesine mülhak olmuştur. Cemʹi سَرَادِيبُ [serâdîb] gelir.
Sitemizde detaylı hızlı ve kolay arama ekranı