اَلْعَمَلُ [el-ʹamel] (fethateynle) İşlenecek işe denir, mihnet ve fiʹl maʹnâsına tesmiye bi’l-masdardır, Fârisîde kâr ve kirdâr denir; cemʹi أَعْمَالٌ [aʹmâl]dir; yukâlu: عَمَلُهُ جَيِّدٌ وَرَأَيْتُهُ فِي عَمَلٍ شَدِيدٍ أَيِ الْمِهْنَةِ وَالْفِعْلِ Ve masdar olur, iş işlemek maʹnâsına; yukâlu: عَمِلَ الرَّجُلُ عَمَلًا مِنَ الْبَابِ الرَّابِعِ إِذَا مَهَنَ وَفَعَلَ
اَلْعَمِلُ [el-ʹamil] (كَتِفٌ [ketif] vezninde) ve
اَلْعَمُولُ [el-ʹamûl] (صَبُورٌ [ṡabûr] vezninde) Vasflardır, dâ΄imâ işli güçlü adama denir yâhûd iş üzere matbûʹ olan yaʹnî işsiz bî-kâr duramayıp işe güce idmân ve iʹtiyâdı olan adama denir; yukâlu: رَجُلٌ عَمِلٌ وَعَمُولٌ أَيْ ذُو عَمَلٍ أَوْ مَطْبُوعٌ عَلَى الْعَمَلِ Ve
عَمِلٌ [ʹamil] Muttasıl çakıp oynayan şimşeğe vasf olur, yukâlu: بَرْقٌ عَمِلٌ أَيْ دَائِمُ الْعَمَلِ
اَلْعَمَلُ [el-ʹamel] (fethateynle) İş işlemek; yukâlu: عَمِلَ عَمَلًا مِنَ الْبَابِ الرَّابِعِ
اَلْعَمِلُ [el-ʹamil] (ʹayn’ın fethi ve mîm’in kesriyle) İşe muʹtâd olan kimse.
Sitemizde detaylı hızlı ve kolay arama ekranı