اَلْعُهْعُخْ [el-ʹuhʹuḣ] (ʹayn’ların zammıyla) Bir nevʹ şecerdir ki kendisiyle ve yaprağıyla tedâvî olunur. Baʹzı lügaviyyûn ʹayn’la olduğunu inkâr edip ḣâ-yı muʹceme ile خُعْخُعْ [ḣuʹḣuʹ]dur dediler. Ve ehl-i beyân kitâblarında hâ’nın takdîmiyle عُهْخُعْ [ʹuhḣuʹ] ʹunvânında mersûmdur, lâkin galattır. Lafz-ı mezbûru ehl-i maʹânî, fesâhat bahsinde tenâfür-i hurûfa temsîl eylemişlerdir. Lâkin hâ ile هُعْخُعْ [huʹḣuʹ] ʹunvânında resm eylemeleriyle mü΄ellifin ʹayn’ı takdîmle îrâdı muhâlif olur, meğer tahrîf-i nüssâha mahmûl ola. Ve şürrâh hâ’nın kesri ve hâ’nın kesr ve fethiyle takyîd eylemişlerdir. Ve bunu bir Aʹrâbînin: “تَرَكْتُ نَاقَتِي تَرْعَى الْهُعْخُعَ” kavlinden ahz eylediler.
Sitemizde detaylı hızlı ve kolay arama ekranı