اَلْمُعَاقَبَةُ الْعَرُوضِيَّةُ [el-muʹâḵabetü’l-ʹarû-ḋiyyet] Mütercim der ki muʹâkabe-i ʹarûziyye mühimmeden olmakla mü΄ellife istidrâk olunmuştur. Maʹlûm ola ki مُعَاقَبَةٌ [muʹâḵabet] fenn-i ʹarûzda bir cüz΄de yâhûd iki cüz΄de müctemiʹ olan iki sebebin ikisi de hazfden sâlim yâhûd birisi vücûben sâlim olmaktan ʹibârettir, meselâ مَفَاعِيلُنْ [mefâʹîlun] cüz΄ünde vâkiʹ عِي [ʹî] ve لُنْ [lun] “sebeb”lerinin ikisi de hazften sâlim olup مَفَاعِيلُنْ [mefâʹîlun] denir yâhûd yâ΄ harfi hazf olunup nûn bâkî yâhûd nûn hazf olunup yâ΄ bâkî kalır. Evvele göre مَفَاعِلُنْ [mefâʹilun], sânîye göre مَفَاعِيلُ [mefâʹîlu] olur. Cüz΄eynde olduğu meselâ bahr-i remelde فَاعِلاَتُنْ [fâʹilâtün] cüz΄ünün nûn’u cüz΄-i sânîde olan فَاعِلاَتُنْ [fâʹilâtün] elifine muʹâkib olur. Ve işbu مُعَاقَبَةٌ [muʹâḵabet] dokuz bahrde cârî olur. İntehâ.
Sitemizde detaylı hızlı ve kolay arama ekranı