اَلْمَغْفَلَةُ [el-maġfelet] (مَرْحَلَةٌ [merḩalet] vezninde) عَنْفَقَةٌ [ʹanfeḵat] maʹnâsınadır ki alt dudak ile zekan beyninde müctemiʹ olan top kıllara denir. Cevherî vehminden nâşî onun iki cânibiyle tefsîr eyledi. Şârih dedi ki Nihâye’de رَأَى رَجُلًا يَتَوَضَّأُ فَقَالَ “عَلَيْكَ بِالْمَغْفَلَةِ وَالْمَنْشَلَةِ” hadîsinin tefsîrinde مَغْفَلَةٌ [maġfelet] عَنْفَقَةٌ [ʹanfeḵat] ile mübeyyendir, zîrâ vudû΄ hâlinde gaflet mahalli olmakla ihtiyâtla emr eylediler. Ve مَنْشَلَةٌ [menşelet] serçe parmağında hâtem duran mahaldir.
اَلْمَغْفَلَةُ [el-maġfelet] (mîm’in ve fâ’nın fethiyle) Dudak altında müctemiʹ biten kılların iki cânibi.Ve hadîs-i şerîfte vâkiʹ olan مَغْفَلَةٌ [maġfelet] budur. Ve sâhib-i Ḵâmûsمَغْفَلَةٌ [maġfelet] zikr olunan kıllardır demiştir, عَنْفَقَةٌ [ʹanfeḵat] maʹnâsına. Lâkin hîn-i guslde mahall-i gaflet olmağa münâsib olan zikr olunan kılların iki cânibidir, nitekim Cevherî ihtiyâr etmiştir.
Sitemizde detaylı hızlı ve kolay arama ekranı