اَلْمَمْهُورَةُ [el-memhûret] Mehri verilmiş hatuna denir. Ve minhu’l-meselu: ḣكَالْمَمْهُورَةِ إِحْدَى خَدَمَتَيْهَاḢ Yaʹnî “Halhâllarının biriyle mehri verilmiş hatun gibi.” Bu meselin menşe΄i budur ki bir adam bir ahmak hatun tezevvüc eyleyip zifâfa dâhil oldukta mehr mütâlebesiyle teslîmden imtinâʹ eylemekle hemân zevci mezbûrenin ayaklarında olan halhâlın birini çekip işte sana mehr diye iʹtâ eyledikte rızâ-dâr olup nefsini teslîm eyledi. Nihâyet-i hamâkatine bâlig kimse hakkında darb olunur. Bunun nazîri olmak üzere bir kimse bir âher kimseye bir mikdâr mâl iʹtâ edip o dahi mâl-ı mezbûr ile mâl veren o adamın kızını tezevvüc eyledi. Bir gün mezbûreye iʹtâ eylediği mehr ile imtinân eylemekle nâ-be-mahal imtinân olunan yerde ḣكَالْمَمْهُورَةِ مِنْ مَالِ أَبِيهَاḢ kavli darb-ı mesel oldu.
Sitemizde detaylı hızlı ve kolay arama ekranı