اَلْمُهَيْمِنُ [el-Muheymin] (mîm-i ûlânın zammı ve sâniyenin kesri ve fethiyle) Esmâ-i hüsnâdan bir ism-i şerîftir, مُؤْمِنٌ [mu΄min] maʹnâsına ki gayrı havf ve haşyetten emîn ve âzâde edici demektir. Ve bunun aslı مُؤَأْمِنٌ idi ki hemzeteynle, إِئْمَانٌ [i΄mân]dan ism-i fâʹildir, hemze-i sâniye yâ’ya kalb olunduktan sonra hemze-i ûlâ hâ’ya ibdâl olundu. Ve baʹzılar ʹindinde أَمِينٌ [emîn] maʹnâsınadır ki aslı مُؤَيْمِنٌ dir, أَمَانَةٌ [emânet]ten مُفَيْعِلٌ [mufeyʹil]dir ve ʹalâ-kavlin مُؤْتَمِنٌ [mu΄temin] maʹnâsınadır ki مُعْتَمِدٌ [muʹtemid] vezninde yâhûd şâhid maʹnâsınadır. Şârih der ki هَيْمَنَةٌ [heymenet]-i tâ΄irden me΄hûzdur ki merciʹi قِيَامٌ عَلَى الشَّيْءِ maʹnâsınadır, binâ΄enʹaleyh Beyḋâvî اَلرَّقِيبُ الْحَافِظُ لِكُلِّ شَيْءٍ ʹibâretiyle tefsîr eylemiştir.
اَلْمُهَيْمِنُ [el-muheymin] (mîm’in zammı ve hâ’nın fethi ve yâ’nın sükûnu ve mîm’in kesriyle) Kezâlik emîn kılıcı maʹnâsınadır. Ve bunun aslı مُؤَأْمِنٌ idi hemze-i sâniye yâ’ya kalb olunmakla telyîn olundu, telyîn olunduktan sonra hemze-i ûlâ hâ’ya kalb olunup مُهَيْمِنٌ denildi.
Sitemizde detaylı hızlı ve kolay arama ekranı