البُؤْبُؤُ [el-bu΄bu΄] (هُدْهُدٌ [hudhud] vezninde) Asl ve ʹunsur maʹnâsınadır; yukâlu: هُوَ كَرِيمُ الْبُؤْبُؤِ أَي الأَصْلِ Ve seyyid-i zarîf maʹnâsınadır, yaʹnî ʹulüvv-i maʹnevî sâhibi re΄îs ve müteʹayyinve ser-kâra denir ki letâ΄if-i ahlâk ehli, zîrek ve hoş-tabʹ ola. Baʹzı ümmehâtta vâv-ı ʹâtıfa ile وَالسَّيِّدُ وَالظَّرِيفُ ʹunvânıyla mersûmdur. Ve
بُؤْبُؤٌ [bu΄bu΄] Sürme-dânın başına denir, رَأْسُ الْمُكْحُلَةِ [re΄su’l-mukḩulet] maʹnâsına. Ve çekirgenin gövdesine denir. Ve göz bebeğine denir, إِنْسَانُ الْعَيْنِ [insânu’l-ʹayn] maʹnâsına; yukâlu: هُوَ أَعَزُّ عَلَيَّ مِنْ بُؤْبُؤِ عَيْنِي أَيْ إِنْسَانِهَا Ve her nesnenin ortasına denir, vasat maʹnâsına.
Sitemizde detaylı hızlı ve kolay arama ekranı