Mü΄ellif Baṡâ΄ir’de eyitti ki بَابٌ [bâb] lafzı, medhal-i emkine maʹnâsına mevzûʹdur ki kapı taʹbîr olunur: بَابُ دَارٍ ve بَابُ بَلْدَةٍ gibi. Ve mecâzen bir şey΄e vesîle-i vusûl olacak nesnede istiʹmâl olunur; ve minhu yukâlu fi’l-ʹilm: بَابُ كَذَا وَهَذَا الْعِلْمُ بَابٌ إِلَى عِلْمِ كَذَا أَيْ بِهِ يُتَوَصَّلُ إِلَيْهِ Ve maʹânî-i sâ΄ire bundan müteferriʹdir. Ve Miṡbâḩ’ta bu vech üzere mersûmdur ki بَابٌ [bâb] kelimesinin aslı بَوَبٌ [beveb] olmak üzere mukadderdir ki fethateynledir, binâ΄enʹaleyh vâv elif’e kalb olunmuştur. Baʹzen bi’t-tahsîs muzâf olur, بَابُ الدَّارِ [bâbu’d-dâr] gibi, kezâlik Baġdâd’da bir mahalle ismi olan بَابُ الشَّامِ [Bâbu’ş-Şâm] gibi. Ve eğer mütezâyifeyne nisbet olunursa yalnızca evvele nisbet olunup اَلْبَابِيُّ [el-Bâbiyy] denir ve ikisine birden nisbetle اَلْبَابِيُّ الشَّامِيُّ [el-Bâbiyyu’ş-Şâmiyyu] dahi denir. Ve yalnızca ahîre de nisbet olunur. Ve gâhca o iki ism terkîb olunup ism-i vâhid hükmünde kılındıktan sonra ikisine birden nisbet olunup meselâ اَلْبَابَشَامِيُّ [el-bâbeşâmiyy] denir; اَلدَّارَقُطْنِيُّ [ed-Dâreḵuṯniyy] dedikleri gibi. İntehâ. Ve
بَابٌ [Bâb] Ḩaleb eyâletinde bir belde adıdır. Ve Hecer kurbünde bir dağ ismidir.
Sitemizde detaylı hızlı ve kolay arama ekranı