اَلْبَشِيرُ [el-beşîr] (أَمِيرٌ [emîr] vezninde) Faʹîl bi-maʹnâ fâʹildir, müjdeciye denir, mübeşşir maʹnâsınadır. Mü΄ellif بَشِيرٌ [beşîr] lafzı dahi نَذِيرٌ [nežîr] gibi mübeşşir maʹnâsına olduğundan yâhûd îzâh için mübeşşir ile tefsîr eylemiştir. Ve güler yüzlü hûb ve cemîl adama ıtlâk olunur ki بَشَارَةٌ [beşâret]ten me΄hûzdur. Mü΄ennesi بَشِيرَةٌ [beşîret]tir hâ ile. Ve
بَشِيرٌ [Beşîr] Selmâ cibâlinden bir küçük dağın adıdır. Ve Endelüs’te bir iklîm adıdır. Ve yirmi altı nefer ashâb-ı kirâm ismidir. Ve muhadisînden bir cemâʹatin ismleridir. Ve Aḩmed b. Muḩammed ve ʹAbdullâh b. el-Ḩakem ve Muṯṯalib b. Bedr el-Beşîriyyûn muhaddislerdir. Ve قَلْعَةُ بَشِيرٍ [Ḵalʹatu Beşîr], Îrân’da Zevzen eyâletinde bir kalʹadır. Ve حِصْنُ بَشِيرٍ [Ḩiṡnu Beşîr], Baġdâd ile Ḩille miyânında bir hısndır.
Sitemizde detaylı hızlı ve kolay arama ekranı