بُعَيْدَاتُ بَيْنٍ [buʹaydâtu beyn] (bâ’nın zammı ve ʹayn’ın fethi ve yâ’nın sükûnuyla) Kelime-i بَيْن [beyn] mecrûr ve muzâfun ileyh olmak üzere ahyânen maʹnâsına karîb istiʹmâl olunur; tekûlu: لَقِيتُهُ بُعَيْدَاتِ بَيْنٍ إِذَا لَقِيتَهُ بَعْدَ حِينٍ ثُمَّ أَمْسَكْتَ عَنْهُ ثُمَّ أَتَيْتَهُ بَيْنَ بَيْنَ Bâ’ların fethi ve yâ’ların sükûnu ve nûn’ların feth üzere binâsıyla iyi ile yatlı mâ-beyni; yukâlu: هَذَا الشَّيْءُ بَيْنَ بَيْنَ أَيْ بَيْنَ الْجَيِّدِ وَالرَّدِيءِ Pes bunlar iki kelimedir ki kelime-i vâhide mesâbesinde kılınıp âhirleri mebnî kılınmıştır. Ve “hemze-i beyne beyne” şol hemzedir ki tahfîf olunmuştur, yaʹnî hemze hareketine muvâfık olan harf-i ʹilletin beyninde kılınmıştır, meselâ eger hemze meftûha olsa hemze ile elif beyninde kılınır, سَأَلَ gibi ve eger hemze meksûre olsa hemze ile yâ beyninde kılınır, سَئِمَ gibi ve eger mazmûme olsa hemze ile vâv beyninde kılınır, لَؤُمَ gibi. Ve “hemze-i beyne beyne” ibtidâda vâkiʹ olmaz ebeden, sâkin gibi zaʹîf olduğundan ötürü, lâkin bu her ne denli sâkine karîb olup hemze-i sarîha mertebesine vâsıl olmamışsa müteharrik iʹtibâr olunur. Ve “hemze-i beyne beyne” dedikleri zaʹfından ötürüdür, nitekim بَيْنَ بَيْنَ zaʹîf maʹnâsına istiʹmâl olunur.
Sitemizde detaylı hızlı ve kolay arama ekranı